მოგზაურობა მიწისქვეშ ნაწ.2 Underground Journey Part 2
11 ათ. ნახვა · 2 წლის წინ
მღვიმე, ისევე როგორც მაღალი მთა ადამიანისთვის მტრული გარემოა. აქ იდეალური სიბნელეა, ტყუილად კი არ ეძახინ მღვიმეს წკვარამს იმერლები. სიბნელე მღვიმეში განსაკუთრებული საფრთხის შემცველია. ამიტომ მუდმივად უნდა გქონდეს თან რამდენიმე სათადარიგო და მაღალი ხარისხის სანათი. აქ ჩინური ფარნები არ გამოგადგებათ. აქ იდეალური სიჩუმეა, თუ, რა თქმა უნდა, მღვიმეში მიწისქვეშა მდინარე ან ნაკადული არ გადის. ისეთი სიჩუმე, რომ საკუთარი გულისცემის ხმამ შეიძლება შეგაწუხოს. მღვიმეში მუდმივად ერთი და იგივე ტემპერატურაა და იგი 10-11 გრადუსს არ აღემატება. დაბალ ტემპერატურას ძალიან მაღალი სინოტივე, თითქმის 95% ემატება და თუ სპელეოლოგი შესაბამისად არ არის ჩაცმული, ორგანიზმის გადაცივება გარდაუვალია. აქ ყველა ფეხის ნაბიჯი უნდა გათვალო. სიბნელეში უძირო ჭები, ზემოდან ჩამოშვებული სტალაქტიდები ან ქვემოდან ამოზრდილი სტალაგმიტები მუდმივად ცდილობენ თქვენს დაზიანებას. ნოტიო კიქრქვოვან ქვებზე ფეხი საპონივით სრიალებს. უცნობ ვიწრო გასასვლელებში გაძრომისას პანიკური შიში გიპყრობს - ვაითუ გავიჭედო და მუდმივად აქ დავრჩე და ასეთი შემთხვევები ყოფილა.
