სამძიმარი სრულიად საქართველოს

294 ნახვა · დღეს

თბილისში უმძიმესი ტრაგედია დატრიალდა. გაზის აფეთქებას უდანაშაულო ადამიანების — ბავშვების, ქალებისა და მამაკაცების სიცოცხლე შეეწირა. მთელი გულით ვუსამძიმრებ დაღუპულთა ოჯახებს, ახლობლებსა და სრულიად საქართველოს ამ ენით აუწერელ ტკივილს. ამ დღეებში სწორედ დემონებზე ვამზადებ დიდ ფილმს — მითოლოგიურ არსებებზე, ავ სულებსა და იმ ურჩხულებზე, რომლებიც საუკუნეების განმავლობაში ადამიანთა ფანტაზიამ და შიშმა შექმნა. მაგრამ როცა ძველ მითებს გვერდზე გადადებ და დღევანდელ რეალობას თვალს გაუსწორებ, ხვდები, რომ გამოგონილი ურჩხულები არაფერია იმასთან შედარებით, რაც დღეს ჩვენს ქვეყანაში ხდება. ნამდვილი დემონები აქვე, ჩვენს გვერდით ცხოვრობენ. მათ არც რქები აქვთ და არც მითოლოგიური სახელები. მათ ჰქვიათ ერთპიროვნული მმართველობა, ტოტალური კორუფცია, კრიმინალი და სრული დაუსჯელობა. ეს ის დემონებია, რომლებმაც ადამიანის სიცოცხლე გააუფასურეს და ელემენტარული უსაფრთხოებაც კი ფუფუნებად აქციეს.

სხვა არხები