პუტინის დიდი ამოცანა და კრემლის „ფრონტის“ საქართველოს მონაკვეთი - ანდრო გოცირიძე
10 ათ. ნახვა · 1 თვის წინ
🔴 საქართველო რომ რუსეთის ჰიბრიდული ომის მთავარ სამიზნე სივრცეშია, ამას ეჭვქვეშ არავინ აყენებს. ამ ომს თავისი მიზნები, ამოცანები და ფაზები აქვს. განსაკუთრებული ინტენსიურობა კრემლის ჰიბრიდულმა იერიშმა საქართველოზე (და არა მხოლოდ) უკრაინაში სრულმასშტაბიანი შეჭრის შემდეგ შეიძინა 🔴 ისიც აღსანიშნავია, რომ უკრაინის წინააღმდეგ სამხედრო აგრესიის მიმდინარეობას არც ერთი წამით არ შეუნელებია რუსეთის ჰიბრიდული ინსტრუმენტების მოქმედება უკრაინის მიწაზე და მისი სახელმწიფოებრიობის წინააღმდეგ. რა იყო ამისი მიზეზი, რა მიზნების მიღწევა შეძლო უკვე რუსეთმა საქართველოში და რა პუნქტები დარჩა მისი ჰიბრიდული ომის დღის წესრიგში? 🔴 რამდენიმე კვირის წინ ბრიუსელში მოქმედმა ანალიტიკურმა ორგანიზაციამ გამოაქვეყნა სტატია, რომელშიც აღნიშნულია, რომ პუტინი თავისი „აგრესიული იზოლაციონიზმის“ პოლიტიკის განხორციელების კვალობაზე, ეყრდნობა სამ მიდგომას: პირველი და უმნიშვნელოვანესი არის კრემლის შიში, რომ დემოკრატიის იდეალებისა და ნორმების გავრცელება პოსტ-საბჭოთა სივრცეში მათი რუსეთზე გავრცელების საფრთხეს ქმნის 🔴 ამასთან გასამკლავებლად კრემლმა პრიორიტეტად გაიხადა ავტორიტარული რეჟიმების გაძლიერება და მხარდაჭერა, რაც მოიცავს ბელარუსში ლუკაშენკას რეჟიმის მხარდაჭერასა და საქართველოს მსგავსი „დემოკრატიის გზაზე მდგომი სახელმწიფოს დესტაბილიზაციას“ 🔴 მეორე არის კრემლის მიერ „საგარეო კრიზისების“ ხელოვნურად შექმნა, ნაციონალისტური სენტიმენტების გასაღვივებლად პუტინის რეჟიმის გამყარების მიზნით და მესამე - კრემლი განტევების ვაცად წარმოაჩენს დასავლეთს და რუსეთს კი „ალყაშემორტყმულ ციხესიმაგრედ“ 🗣️ არის ერთი საკითხიც, რომელზე პასუხის გაცემასაც შევეცდებით დღევანდელ პოდკასტში - რა არის სინამდვილეში პუტინის აგრესიის მთავარი მიზანი? ჩვენი სტუმარია ანდრო გოცირიძე, უსაფრთხოების სპეციალისტი 00:00:00 თემების და სტუმრის წარდგენა 00:06:10 რა არის პუტინის აგრესიის მთავარი მიზანი? 00:15:50 რა არის რუსეთის ომის შედეგი? 00:31:43 საქართველო - რუსეთის „თანამშრომლობა“ 00:43:43 ირანის ელჩის განცხადება 01:03:23 მაყურებლის შეკითხვა 01:06:22 რა სტადიაში იქნება საქართველო - ევროკავშირის ურთიერთობა 2030 წელს? 01:21:00 მოქალაქეობა
