შენჭენი, ბერლინი და მინსკი - ვინ ვისი „მეგობარია“ და ვინ არის მშვიდობის მეგობარი?
167 ნახვა · დღეს
🌐 გასულმა კვირის სამიტებმა და თანმდევმა მოვლენებმა კიდევ უფრო მეტი სიმძაფრით აჩვენა ომსა და მშვიდობას შორის არჩევანის მნიშვნელობა და ვითარების სიმძიმე 🫱🏻🫲🏻 გაინტერესებთ, რა დაასკვნეს ჩინეთის ქალაქ შენჭენში , აზია-წყნარი ოკეანის ეკონომიკური თანამშრომლობის (APEC) ფორუმის ფარგლებში გამართული სამმხრივი სამიტის მონაწილეებმა: ჩინეთის სახალხო რესპუბლიკის, აშშ-ისა და რუსეთის ლიდერებმა? - ის, რომ საჭიროა გაეროს რეფორმა; რომ უნდა გაიზარდოს გადამუშავებული ნავთობროდუქტების წარმოება და მიწოდება; რომ სისხლის სამართლის საერთაშორისო სასამართლო ბოროტად იყენებს საკუთარ უფლებამოსილებას; რომ ბირთვულ ომს გამარჯვებული ვერ ეყოლება და ის არ უნდა მოხდეს 🤔 რამდენად უშველის ეს დასკვნები მშვიდობის მიღწევას უკრაინაში?.. 🕊️ მშვიდობაზე სამივე ლიდერი ბევრს ლაპარაკობს. მეტიც, პუტინმა 19 ნოემბრის სამიტის შემდეგ გამართულ პრესკონფერენციაზე კიდევ ერთხელ განაცხადა: „ჩვენ არ დაგვიწყია ომი და საერთოდაც, არანაირი ომი არ დაგვიწყია. ჩვენ მხოლოდ მისი დასრულება გვინდა...“-ო. მან რიტორიკულად ასეთი კითხვაც დასვა: „განა, რა იყო ცუდი იალტაში?“-ო და... 19-20 ნოემბრის ღამით კვლავ ასობით დრონი და რაკეტა გაუშვა უკრაინის სამოქალაქო ინფრასტრუქტურისა და სხვა არასამხედრო სამიზნეებისკენ, რასაც კვლავ მსხვერპლი მოჰყვა 🫱🏻🫲🏻 ჩინეთში, ორმხრივი შეხვედრის დაწყებამდე დონალდ ტრამპის მიერ ვლადიმირ პუტინისთვის „ჩემი მეგობრის“ წოდებასაც დიდი გამოხმაურება მოჰყვა. „ღმერთმა დაგვიფაროს ასეთი მეგობრისგანო“ - მყისიერად დაპოსტა პოლონეთის პრემიერმინისტრმა 🌐 ჩინეთის სამიტის პარალელურად გერმანიის დედაქალაქში „მოსურნეთა კოალიციის“ ლიდერების შეკრება გაიმართა, უკრაინისა და ევროპის ლიდერებისა და აშშ-ის პრეზიდენტის წარგზავნილთა მონაწილეობით. შეხვედრის შემდეგ უკრაინის, გაერთიანებული სამეფოს, გერმანიისა და საფრანგეთის ლიდერების ერთობლივ განცხადებაში კიდევ ერთხელ დაადასტურეს უკრაინისა და მთლიანად ევროატლანტიკური რეგიონის უსაფრთხოების განუყოფლობა და კიდევ ერთხელ დაუჭირეს მხარი უკრაინის ევროპულ და ევროატლანტიკურ მისწრაფებებს 🔴 ამ კონტექსტში 19 ნოემბრის კიდევ ერთი შეხვედრა იქნება ჩვენი საუბრის ფოკუსში - მინსკში გამართული შეხვედრა. მთავარი კითხვა - არსებობს თუ არა რამე სახით მშვიდობის ვექტორი? 🗣️ შოთა ღვინერია, „ეკონომიკური პოლიტიკის კვლევის ცენტრის“ (EPRC) უსაფრთხოების მიმართულების ხელმძღვანელი იქნება დღეს ჩვენი პოდკასტის სტუმარი
