რა ფაქტორებია აუცილებელი არჩევნებისთვის და ვინ/რა უზრუნველყოფს მათ?
666 ნახვა · 4 თვის წინ
არჩევნების საკითხს არასდროს დაუკარგავს აქტუალურობა საქართველოს საერთაშორისო პარტნიორებისთვის და ამას აჩვენებს ბოლოდროინდელი რეზოლუციები და ანგარიშები. აქტუალურობას ინარჩუნებს 2024 წლის საპარლამენტო არჩევნებისას გამოვლენილი დარღვევებიც და მათი გამოუძიებლობა-მოუგვარებლობა, ამას ერთვის საარჩევნო გარემოს გაუარესების საკითხი და მათ შორის სადამკვირვებლო პროცესის უდიდესი კითხვის ნიშნის ქვეშ დაყენება ევროსაბჭოს საპარლამენტო ასამბლეის მიერ ივნისის ბოლოს მიღებულ რეზოლუციაში ჩაიწერა, რომ „ქართული ოცნების“ „კურსის გაგრძელება ეფექტურად დაამყარებს ერთპარტიულ დიქტატურას საქართველოში” და რომ „საქართველოში არ არსებობს ჭეშმარიტად დემოკრატიული არჩევნების ჩატარების პირობები“ ორიოდე დღის წინ ეუთოს საპარლამენტო ასამბლეამ მიიღო „ჰააგის დეკლარაცია“, რომელშიც საქართველოზე მათ შორის ჩაიწერა მოწოდება საერთაშორისო საზოგადოებისადმი - საქართველოში ჩატარებული იმგვარი არჩევნების შედეგების არცნობისკენ, რომელიც „სანდო საერთაშორისო და ადგილობრივი სადამკვირვებლო ორგანიზაციების მიერ არ იქნება შეფასებული თავისუფალ სამართლიან და დემოკრატიულ არჩევნებად“ „ქართული ოცნება“ ერთი მხრივ თუ ეუთო/ოდირის მიერ 2024 წლის არჩევნების საბოლოო შეფასებას დღემდე „პოზიტიურად“” აღიქვამდა და არგუმენტად გამოყენებას აქტიურად ცდილობდა, მათ შორის ეუთოს 4-8 ივლისის საპარლამენტო ასამბლეაზე, „ჰააგის დეკლარაციის“ მიღების შემდეგ მას „სამარცხვინოს“ უწოდებს და აცხადებს, რომ „ეუთომ წერტილი დაუსვა ეუთო/ოდირის ავტორიტეტს”, სერიოზული კითხვის ნიშნის ქვეშ აყენებს ეუთო/ოდირის მისიის შემდგომში მოწვევის საკითხს, რადგან მათი განცხადებებით ის „თავისივე დასკვნის დაცვასაც ვერ ახერხებს“ (ეუთო/ოდირის 2024 წლის კრიტიკული დასკვნის შინაარსზე დეტალურად შეგიძლიათ წაიკითხოთ რადიო თავისუფლების ვებსაიტზე) საქართველოს ოპოზიციის ლიდერთა ნაწილი ციხეშია, სხვების წინააღმდეგ დაჩქარებული ტემპით მიმდინარეობს საქმის განხილვა, რომელიც მეტ ლიდერს ემუქრება პატიმრობით 600 დღე სრულდება, რაც საქართველოს მოქალაქეები უწყვეტად განაგრძობენ პროტესტს, რომელიც პოლიტიკური და სინდისის პატიმრების გათავისუფლებისა და ხელახალი არჩევნების მოთხოვნით დაიწყო. პროტესტის მონაწილეების ნაწილი მკაფიოდ გამოხატავს პოზიციას, რომ ბიძინა ივანიშვილის პარტიის მმართველობით მათ არჩევნების ჩატარება არ წარმოუდგენიათ ოპოზიციური პარტიების ნაწილი დღეს რეგიონებში გააქტიურდა, ზოგი ახლა შეიქმნა, ზოგი ერთად არის, ზოგი - ცალ-ცალკე. არჩევნებზე ლაპარაკობს ყველა, თუმცა მთავარ კითხვაზე - ვინ/რა მოიტანს ისეთ არჩევნებს, რომელიც მოქალაქეთა არჩევანს ადეკვატურად ასახავს - ერთი, შეჯერებული პასუხი არ არსებობს დღევანდელ პოდკასტში სწორედ ამ საკითხზე მსჯელობას შევუდგებით. სტუმრები იქნებიან „ოპოზიციის ალიანსის“ წარმომადგენლები ანა კობახიძე, პარტია „სტრატეგია აღმაშენებელი“ და თენგო თევზაძე, პარტია „ახალი“ 00:00:00 თემისა და სტუმრების წარდგენა 00:07:45 აზრიანია, თუ უაზრო არჩევნებში მონაწილეობა? 00:19:14 საარჩევნო ექვს პუნქტიანი მოთხოვნა 00:35:55 არჩევნების სანდოობა 00:41:03 თითქმის 600-დღიანი პროტესტი 00:51:32 რეპრესიები 01:01:40 ოპოზიციის ერთიანობა 01:16:40 ირანი 01:19:06 ბიძინა ივანიშვილის გავლენა 01:30:00 რამდენად ადეკვატურია ოპოზიციური ალიანსი? 01:42:25 მაყურებლების კომენტარები
