არჩევნების დამანგრეველი და გადამრჩენელი ფაქტორები - უნგრეთი, სერბეთი, საქართველო
2 ათ. ნახვა · 2 კვირის წინ
🔴 ალექსანდარ ვუჩიჩის ძალაუფლების სათავეში ყოფნას ითვლიან 2012 წლიდან, როცა მის მიერ დაფუძნებულმა „სერბეთის პროგრესულმა პარტიამ“ არჩევნებში საუკეთესო შედეგი აჩვენა და ვუჩიჩი პირველი ვიცეპრემიერი გახდა 🔴 2026 წლის 25 ოქტომბრის ვადამდელ საპარლამენტო არჩევნებში ვუჩიჩი დამარცხდა ახალგაზრდების ძალასთან. 1 ნოემბერს სერბეთის 53 საარჩევნო უბანზე განმეორებითი არჩევნები ჩატარდება, ზოგან არჩევნების ჩაშლის გამო, უბნების ნაწილში კი შედეგების განსაზღვრა შეუძლებელი აღმოჩნდა 🔴 ვიქტორ ორბანის პირველი ვადით პრემიერობა განსხვავებული იყო შემდგომ მოსვლისა და უწყვეტი 16-წლიანი მმართველობისგან. პირველ ვადაში - 1998-2002 წლებში ორბანის მთავრობამ გაატარა ეფექტიანი ეკონომიკური რეფორმები. ამავე ვადაში უნგრეთი გაწევრიანდა ნატოში 🔴 ორბანი ძალაუფლებაში დაბრუნდა 2010 წელს და 2026 წლის აპრილის საპარლამენტო არჩევნებში დამარცხებამდე პერიოდი დემოკრატიული უკუსვლით ხასიათდებოდა 🔴 ძალაუფლებაში ყოფნის ხანგრძლივობის ზრდასთან ერთად ორივე ლიდერი აძლიერებდა ზეწოლას დემოკრატიულ ინსტიტუტებსა და აქტორებზე. ერთი საერთო კითხვა, რაც სერბეთსა და უნგრეთს უკავშირდება, არის - როგორ გადარჩა არჩევნები, როგორც პოლიტიკური ცვლილების ინსტრუმენტი? 🔴 დღევანდელ პოდკასტშიც, წინამორბედის მსგავსად, ვსაუბრობთ საქართველოს საკონსტიტუციო სასამართლოში ოპოზიციური პარტიების არკძალვის შესახებ „ქართული ოცნების“ სარჩელის განხილვის ფონზე. მრავალსაათიანი მსჯელობის მოსმენისას სრულიად მკაფიოა 2024 წლის საპარლამენტო არჩევნებისას გამოვლენილი და მისით გამოწვეული პოლიტიკური შედეგების აქტუალურობა. რა გადაარჩენს არჩევნების ინსტრუმენტს საქართველოში? ⚖️ საკონსტიტუციო სასამართლოს მიერ „ქართული ოცნების“ 88 წევრის სარჩელის დაკმაყოფილების შემთხვევაში, ბოლო საპარლამენტო არჩევნების შესახებ ეუთო/ოდირის ანგარიშში აღნიშნული „ფართო არჩევანის“ არსებობაც მომავალი არჩევნებისთვის დაკარგავს საფუძველს. იმავე ეუთო/ოდირის „მოსკოვის მექანიზმის“ ეგიდით საქართველოზე მომზადებული ანგარიშის რეკომენდაციები, მათ შორის საარჩევნო დარღვევებთან დაკავშირებულ ყველა ბრალდებაზე „დამოუკიდებელი და მიუკერძოებელი გამოძიების“ ჩატარების შესახებ რეკომენდაცია, კვლავაც ძალაშია და უპასუხოდ რჩება 🗣️ სტუმარი: ნინო დოლიძე, საარჩევნო საკითხების სპეციალისტი, ISFED-ის ყოფილი აღმასრულებელი დირექტორი
