პუტინის მეზობლები: ორი კილომეტრი მდიდრულ რეზიდენციამდე და სრულიად სხვა ცხოვრება

7 ათ. ნახვა · 4 კვირის წინ

ვლადიმირ პუტინის განმარტოებული რეზიდენცია ჩრდილო-დასავლეთ რუსეთში, ტბა ვალდაის ნაპირზე, ღობეებით, დაცვითა და საჰაერო თავდაცვითაა გარშემორტყმული. სულ რამდენიმე კილომეტრში მისი მეზობლები სხვა რეალობაში ცხოვრობენ. ადგილობრივები ჰყვებიან, როგორ გახდა მათთვის მიუწვდომელი ის ადგილები, სადაც ადრე ბანაობდნენ და სეირნობდნენ. ცენტრ „დოსიეს“ გამოძიებით, მიწა ფედერალური დაცვის სამსახურისა და იური კოვალჩუკთან დაკავშირებულ სტრუქტურებზეა გაფორმებული, მშენებლობა კი ბოლო 15 წელიწადში დაჩქარდა. იმავე გამოძიების თანახმად, პუტინს ყოფილ ოლიმპიელ ტანმოვარჯიშე ალინა კაბაევასთან ორი ვაჟი ჰყავს, რომლებიც რეზიდენციაში ძირითადად იზოლაციაში ცხოვრობენ. კრემლს ეს ინფორმაცია საჯაროდ არასდროს დაუდასტურებია. უკრაინის წინააღმდეგ ომმა ვალდაის ირგვლივ ცხოვრებას კიდევ ერთი შრე დაამატა. რადიო თავისუფლების გამოძიებით, აპრილისთვის რეზიდენციის ირგვლივ საჰაერო თავდაცვის სულ მცირე 27 პოზიცია იყო დაფიქსირებული. მახლობელი სოფლებიდან ფრონტზე წასული ადამიანების დიდი ნაწილი უკან აღარ დაბრუნდა. მომზადებულია რადიო თავისუფლების პროექტ „Current Time“-ის მიერ. -- 🔸 მეტი ახალი ამბავი, ანალიზი, ინტერვიუები და ბევრი სხვა ნახე ჩვენს საიტზე 👉🏻 https://www.radiotavisupleba.ge გამოგვყევი 👇🏻 Youtube-ზე 👉🏻 http://tinyurl.com/5ek3z4e3 Facebook-ზე 👉🏻 http://tinyurl.com/yc84b2x3 Instagram-ზე 👉🏻 http://tinyurl.com/2cb8w3wp TikTok-ზე 👉🏻 http://tinyurl.com/3skhv3ws Threads-ზე 👉🏻 http://tinyurl.com/bddphfyp

სხვა არხები